Nāradabuddhavaṁsa

“Padumassa aparena, sambuddho dvipaduttamo; Nārado nāma nāmena, asamo appaṭipuggalo.

“Padumassa aparena, sambuddho dvipaduttamo; Nārado nāma nāmena, asamo appaṭipuggalo.

So buddho cakkavattissa, jeṭṭho dayitaoraso; Āmukkamālābharaṇo, uyyānaṁ upasaṅkami.

So buddho cakkavattissa, jeṭṭho dayitaoraso; Āmukkamālābharaṇo, uyyānaṁ upasaṅkami.

Tatthāsi rukkho yasavipulo, Abhirūpo brahā suci; Tamajjhapatvā upanisīdi, Mahāsoṇassa heṭṭhato.

Tatthāsi rukkho yasavipulo, Abhirūpo brahā suci; Tamajjhapatvā upanisīdi, Mahāsoṇassa heṭṭhato.

Tattha ñāṇavaruppajji, anantaṁ vajirūpamaṁ; Tena vicini saṅkhāre, ukkujjamavakujjakaṁ. *ukkujjamavakujjakaṁ → … kujjataṁ (sya1ed, sya2ed, km)

Tattha ñāṇavaruppajji, anantaṁ vajirūpamaṁ; Tena vicini saṅkhāre, ukkujjamavakujjakaṁ. *ukkujjamavakujjakaṁ → … kujjataṁ (sya1ed, sya2ed, km)

Tattha sabbakilesāni, asesamabhivāhayi; Pāpuṇī kevalaṁ bodhiṁ, buddhañāṇe ca cuddasa.

Tattha sabbakilesāni, asesamabhivāhayi; Pāpuṇī kevalaṁ bodhiṁ, buddhañāṇe ca cuddasa.

Pāpuṇitvāna sambodhiṁ, dhammacakkaṁ pavattayi; Koṭisatasahassānaṁ, paṭhamābhisamayo ahu.

Pāpuṇitvāna sambodhiṁ, dhammacakkaṁ pavattayi; Koṭisatasahassānaṁ, paṭhamābhisamayo ahu.

Mahādoṇaṁ nāgarājaṁ, vinayanto mahāmuni; Pāṭiheraṁ tadākāsi, dassayanto sadevake.

Mahādoṇaṁ nāgarājaṁ, vinayanto mahāmuni; Pāṭiheraṁ tadākāsi, dassayanto sadevake.

Tadā devamanussānaṁ, tamhi dhammappakāsane; Navutikoṭisahassāni, tariṁsu sabbasaṁsayaṁ.

Tadā devamanussānaṁ, tamhi dhammappakāsane; Navutikoṭisahassāni, tariṁsu sabbasaṁsayaṁ.

Yamhi kāle mahāvīro, ovadī sakamatrajaṁ; Asītikoṭisahassānaṁ, tatiyābhisamayo ahu.

Yamhi kāle mahāvīro, ovadī sakamatrajaṁ; Asītikoṭisahassānaṁ, tatiyābhisamayo ahu.

Sannipātā tayo āsuṁ, nāradassa mahesino; Koṭisatasahassānaṁ, paṭhamo āsi samāgamo.

Sannipātā tayo āsuṁ, nāradassa mahesino; Koṭisatasahassānaṁ, paṭhamo āsi samāgamo.

Yadā buddho buddhaguṇaṁ, sanidānaṁ pakāsayi; Navutikoṭisahassāni, samiṁsu vimalā tadā.

Yadā buddho buddhaguṇaṁ, sanidānaṁ pakāsayi; Navutikoṭisahassāni, samiṁsu vimalā tadā.

Yadā verocano nāgo, dānaṁ dadāti satthuno; Tadā samiṁsu jinaputtā, asītisatasahassiyo.

Yadā verocano nāgo, dānaṁ dadāti satthuno; Tadā samiṁsu jinaputtā, asītisatasahassiyo.

Ahaṁ tena samayena, jaṭilo uggatāpano; Antalikkhacaro āsiṁ, pañcābhiññāsu pāragū.

Ahaṁ tena samayena, jaṭilo uggatāpano; Antalikkhacaro āsiṁ, pañcābhiññāsu pāragū.

Tadāpāhaṁ asamasamaṁ, sasaṅghaṁ saparijjanaṁ; Annapānena tappetvā, candanenābhipūjayiṁ.

Tadāpāhaṁ asamasamaṁ, sasaṅghaṁ saparijjanaṁ; Annapānena tappetvā, candanenābhipūjayiṁ.

Sopi maṁ tadā byākāsi, nārado lokanāyako; ‘Aparimeyyito kappe, ayaṁ buddho bhavissati.

Sopi maṁ tadā byākāsi, nārado lokanāyako; ‘Aparimeyyito kappe, ayaṁ buddho bhavissati.

Padhānaṁ padahitvāna, …pe… hessāma sammukhā imaṁ’.

Padhānaṁ padahitvāna, …pe… hessāma sammukhā imaṁ’.

Tassāpi vacanaṁ sutvā, bhiyyo hāsetva mānasaṁ; Adhiṭṭhahiṁ vataṁ uggaṁ, dasapāramipūriyā.

Tassāpi vacanaṁ sutvā, bhiyyo hāsetva mānasaṁ; Adhiṭṭhahiṁ vataṁ uggaṁ, dasapāramipūriyā.

Nagaraṁ dhaññavatī nāma, sudevo nāma khattiyo; Anomā nāma janikā, nāradassa mahesino.

Nagaraṁ dhaññavatī nāma, sudevo nāma khattiyo; Anomā nāma janikā, nāradassa mahesino.

Navavassasahassāni, agāraṁ ajjha so vasi; Jito vijitābhirāmo, tayo pāsādamuttamā.

Navavassasahassāni, agāraṁ ajjha so vasi; Jito vijitābhirāmo, tayo pāsādamuttamā.

Ticattārīsasahassāni, nāriyo samalaṅkatā; Vijitasenā nāma nārī, nanduttaro nāma atrajo.

Ticattārīsasahassāni, nāriyo samalaṅkatā; Vijitasenā nāma nārī, nanduttaro nāma atrajo.

Nimitte caturo disvā, Padasā gamanena nikkhami; Sattāhaṁ padhānacāraṁ, Acarī purisuttamo. *purisuttamo → lokanāyako (bj, pts-vp-pli1-2, mr)

Nimitte caturo disvā, Padasā gamanena nikkhami; Sattāhaṁ padhānacāraṁ, Acarī purisuttamo. *purisuttamo → lokanāyako (bj, pts-vp-pli1-2, mr)

Brahmunā yācito santo, nārado lokanāyako; Vatti cakkaṁ mahāvīro, dhanañcuyyānamuttame.

Brahmunā yācito santo, nārado lokanāyako; Vatti cakkaṁ mahāvīro, dhanañcuyyānamuttame.

Bhaddasālo jitamitto, ahesuṁ aggasāvakā; Vāseṭṭho nāmupaṭṭhāko, nāradassa mahesino.

Bhaddasālo jitamitto, ahesuṁ aggasāvakā; Vāseṭṭho nāmupaṭṭhāko, nāradassa mahesino.

Uttarā phaggunī ceva, ahesuṁ aggasāvikā; Bodhi tassa bhagavato, mahāsoṇoti vuccati.

Uttarā phaggunī ceva, ahesuṁ aggasāvikā; Bodhi tassa bhagavato, mahāsoṇoti vuccati.

Uggarindo vasabho ca, ahesuṁ aggupaṭṭhakā; Indāvarī ca vaṇḍī ca, *vaṇḍī → undī (bj); gaṇḍī (sya1ed, sya2ed, km); caṇdī (pts-vp-pli1-2)ahesuṁ aggupaṭṭhikā.

Uggarindo vasabho ca, ahesuṁ aggupaṭṭhakā; Indāvarī ca vaṇḍī ca, *vaṇḍī → undī (bj); gaṇḍī (sya1ed, sya2ed, km); caṇdī (pts-vp-pli1-2)ahesuṁ aggupaṭṭhikā.

Aṭṭhāsītiratanāni, accuggato mahāmuni; Kañcanagghiyasaṅkāso, dasasahassī virocati.

Aṭṭhāsītiratanāni, accuggato mahāmuni; Kañcanagghiyasaṅkāso, dasasahassī virocati.

Tassa byāmappabhā kāyā, niddhāvati disodisaṁ; Nirantaraṁ divārattiṁ, yojanaṁ pharate sadā.

Tassa byāmappabhā kāyā, niddhāvati disodisaṁ; Nirantaraṁ divārattiṁ, yojanaṁ pharate sadā.

Na keci tena samayena, samantā yojane janā; Ukkāpadīpe ujjālenti, buddharaṁsīhi otthaṭā.

Na keci tena samayena, samantā yojane janā; Ukkāpadīpe ujjālenti, buddharaṁsīhi otthaṭā.

Navutivassasahassāni, āyu vijjati tāvade; Tāvatā tiṭṭhamāno so, tāresi janataṁ bahuṁ.

Navutivassasahassāni, āyu vijjati tāvade; Tāvatā tiṭṭhamāno so, tāresi janataṁ bahuṁ.

Yathā uḷūhi gaganaṁ, vicittaṁ upasobhati; Tatheva sāsanaṁ tassa, arahantehi sobhati.

Yathā uḷūhi gaganaṁ, vicittaṁ upasobhati; Tatheva sāsanaṁ tassa, arahantehi sobhati.

Saṁsārasotaṁ taraṇāya, sesake paṭipannake; Dhammasetuṁ daḷhaṁ katvā, nibbuto so narāsabho.

Saṁsārasotaṁ taraṇāya, sesake paṭipannake; Dhammasetuṁ daḷhaṁ katvā, nibbuto so narāsabho.

Sopi buddho asamasamo, Tepi khīṇāsavā atulatejā; Sabbaṁ tamantarahitaṁ, Nanu rittā sabbasaṅkhārā.

Sopi buddho asamasamo, Tepi khīṇāsavā atulatejā; Sabbaṁ tamantarahitaṁ, Nanu rittā sabbasaṅkhārā.

Nārado jinavasabho, Nibbuto sudassane pure; Tatthevassa thūpavaro, Catuyojanamuggato”ti.

Nārado jinavasabho, Nibbuto sudassane pure; Tatthevassa thūpavaro, Catuyojanamuggato”ti.