Sujātabuddhavaṁsa

“Tattheva maṇḍakappamhi, sujāto nāma nāyako; Sīhahanusabhakkhandho, appameyyo durāsado.

“Tattheva maṇḍakappamhi, sujāto nāma nāyako; Sīhahanusabhakkhandho, appameyyo durāsado.

Candova vimalo suddho, sataraṁsīva patāpavā; Evaṁ sobhati sambuddho, *buddho → tadā (sya1ed, sya2ed, km)jalanto siriyā sadā.

Candova vimalo suddho, sataraṁsīva patāpavā; Evaṁ sobhati sambuddho, *buddho → tadā (sya1ed, sya2ed, km)jalanto siriyā sadā.

Pāpuṇitvāna sambuddho, kevalaṁ bodhimuttamaṁ; Sumaṅgalamhi nagare, dhammacakkaṁ pavattayi.

Pāpuṇitvāna sambuddho, kevalaṁ bodhimuttamaṁ; Sumaṅgalamhi nagare, dhammacakkaṁ pavattayi.

Desente pavaraṁ dhammaṁ, *Desente → desento (sya1ed, sya2ed, km)Sujāte lokanāyake; *lokanāyake → sujāto lokanāyako (sya1ed, sya2ed, km)Asītikoṭī abhisamiṁsu, Paṭhame dhammadesane.

Desente pavaraṁ dhammaṁ, *Desente → desento (sya1ed, sya2ed, km)Sujāte lokanāyake; *lokanāyake → sujāto lokanāyako (sya1ed, sya2ed, km)Asītikoṭī abhisamiṁsu, Paṭhame dhammadesane.

Yadā sujāto amitayaso, Deve vassaṁ upāgami; Sattatiṁsasatasahassānaṁ, *Sattatiṁsasatasahassānaṁ → sattatiṁsasahassānaṁ (bj, pts-vp-pli1-2); sattattiṁsasatasahassānaṁ (sya1ed, sya2ed)Dutiyābhisamayo ahu.

Yadā sujāto amitayaso, Deve vassaṁ upāgami; Sattatiṁsasatasahassānaṁ, *Sattatiṁsasatasahassānaṁ → sattatiṁsasahassānaṁ (bj, pts-vp-pli1-2); sattattiṁsasatasahassānaṁ (sya1ed, sya2ed)Dutiyābhisamayo ahu.

Yadā sujāto asamasamo, Upagacchi pitusantikaṁ; Saṭṭhisatasahassānaṁ, Tatiyābhisamayo ahu.

Yadā sujāto asamasamo, Upagacchi pitusantikaṁ; Saṭṭhisatasahassānaṁ, Tatiyābhisamayo ahu.

Sannipātā tayo āsuṁ, sujātassa mahesino; Khīṇāsavānaṁ vimalānaṁ, santacittāna tādinaṁ.

Sannipātā tayo āsuṁ, sujātassa mahesino; Khīṇāsavānaṁ vimalānaṁ, santacittāna tādinaṁ.

Abhiññābalappattānaṁ, appattānaṁ bhavābhave; Saṭṭhisatasahassāni, paṭhamaṁ sannipatiṁsu te.

Abhiññābalappattānaṁ, appattānaṁ bhavābhave; Saṭṭhisatasahassāni, paṭhamaṁ sannipatiṁsu te.

Punāparaṁ sannipāte, tidivorohaṇe jine; Paññāsasatasahassānaṁ, dutiyo āsi samāgamo.

Punāparaṁ sannipāte, tidivorohaṇe jine; Paññāsasatasahassānaṁ, dutiyo āsi samāgamo.

Upasaṅkamanto narāsabhaṁ, Tassa yo aggasāvako; Catūhi satasahassehi, Sambuddhaṁ upasaṅkami.

Upasaṅkamanto narāsabhaṁ, Tassa yo aggasāvako; Catūhi satasahassehi, Sambuddhaṁ upasaṅkami.

Ahaṁ tena samayena, catudīpamhi issaro; Antalikkhacaro āsiṁ, cakkavattī mahabbalo.

Ahaṁ tena samayena, catudīpamhi issaro; Antalikkhacaro āsiṁ, cakkavattī mahabbalo.

Loke acchariyaṁ disvā, abbhutaṁ lomahaṁsanaṁ; Upagantvāna vandiṁ so, sujātaṁ lokanāyakaṁ.

Loke acchariyaṁ disvā, abbhutaṁ lomahaṁsanaṁ; Upagantvāna vandiṁ so, sujātaṁ lokanāyakaṁ.

Catudīpe mahārajjaṁ, ratane satta uttame; Buddhe niyyādayitvāna, pabbajiṁ tassa santike.

Catudīpe mahārajjaṁ, ratane satta uttame; Buddhe niyyādayitvāna, pabbajiṁ tassa santike.

Ārāmikā janapade, uṭṭhānaṁ paṭipiṇḍiya; Upanenti bhikkhusaṅghassa, paccayaṁ sayanāsanaṁ.

Ārāmikā janapade, uṭṭhānaṁ paṭipiṇḍiya; Upanenti bhikkhusaṅghassa, paccayaṁ sayanāsanaṁ.

Sopi maṁ buddho byākāsi, dasasahassimhi issaro; ‘Tiṁsakappasahassamhi, ayaṁ buddho bhavissati.

Sopi maṁ buddho byākāsi, dasasahassimhi issaro; ‘Tiṁsakappasahassamhi, ayaṁ buddho bhavissati.

Padhānaṁ padahitvāna, …pe… hessāma sammukhā imaṁ’.

Padhānaṁ padahitvāna, …pe… hessāma sammukhā imaṁ’.

Tassāpi vacanaṁ sutvā, bhiyyo hāsaṁ janesahaṁ; Adhiṭṭhahiṁ vataṁ uggaṁ, dasapāramipūriyā.

Tassāpi vacanaṁ sutvā, bhiyyo hāsaṁ janesahaṁ; Adhiṭṭhahiṁ vataṁ uggaṁ, dasapāramipūriyā.

Suttantaṁ vinayañcāpi, navaṅgaṁ satthusāsanaṁ; Sabbaṁ pariyāpuṇitvāna, sobhayiṁ jinasāsanaṁ.

Suttantaṁ vinayañcāpi, navaṅgaṁ satthusāsanaṁ; Sabbaṁ pariyāpuṇitvāna, sobhayiṁ jinasāsanaṁ.

Tatthappamatto viharanto, brahmaṁ bhāvetva bhāvanaṁ; Abhiññāpāramiṁ gantvā, brahmalokamagañchahaṁ.

Tatthappamatto viharanto, brahmaṁ bhāvetva bhāvanaṁ; Abhiññāpāramiṁ gantvā, brahmalokamagañchahaṁ.

Sumaṅgalaṁ nāma nagaraṁ, uggato nāma khattiyo; Mātā pabhāvatī nāma, sujātassa mahesino.

Sumaṅgalaṁ nāma nagaraṁ, uggato nāma khattiyo; Mātā pabhāvatī nāma, sujātassa mahesino.

Navavassasahassāni, agāraṁ ajjha so vasi; Sirī upasirī nando, tayo pāsādamuttamā.

Navavassasahassāni, agāraṁ ajjha so vasi; Sirī upasirī nando, tayo pāsādamuttamā.

Tevīsatisahassāni, nāriyo samalaṅkatā; Sirinandā nāma nārī, upaseno nāma atrajo.

Tevīsatisahassāni, nāriyo samalaṅkatā; Sirinandā nāma nārī, upaseno nāma atrajo.

Nimitte caturo disvā, assayānena nikkhami; Anūnanavamāsāni, padhānaṁ padahī jino.

Nimitte caturo disvā, assayānena nikkhami; Anūnanavamāsāni, padhānaṁ padahī jino.

Brahmunā yācito santo, sujāto lokanāyako; Vatti cakkaṁ mahāvīro, sumaṅgaluyyānamuttame.

Brahmunā yācito santo, sujāto lokanāyako; Vatti cakkaṁ mahāvīro, sumaṅgaluyyānamuttame.

Sudassano sudevo ca, *Sudassano sudevo ca → sudassano ca devo ca (bj)ahesuṁ aggasāvakā; Nārado nāmupaṭṭhāko, sujātassa mahesino.

Sudassano sudevo ca, *Sudassano sudevo ca → sudassano ca devo ca (bj)ahesuṁ aggasāvakā; Nārado nāmupaṭṭhāko, sujātassa mahesino.

Nāgā ca nāgasamālā ca, ahesuṁ aggasāvikā; Bodhi tassa bhagavato, mahāveḷūti vuccati.

Nāgā ca nāgasamālā ca, ahesuṁ aggasāvikā; Bodhi tassa bhagavato, mahāveḷūti vuccati.

So ca rukkho ghanakkhandho, *ghanakkhandho → ghanaruciro (bj, pts-vp-pli2, mr)Acchiddo hoti pattiko; Uju vaṁso brahā hoti, Dassanīyo manoramo.

So ca rukkho ghanakkhandho, *ghanakkhandho → ghanaruciro (bj, pts-vp-pli2, mr)Acchiddo hoti pattiko; Uju vaṁso brahā hoti, Dassanīyo manoramo.

Ekakkhandho pavaḍḍhitvā, tato sākhā pabhijjati; Yathā subaddho morahattho, evaṁ sobhati so dumo.

Ekakkhandho pavaḍḍhitvā, tato sākhā pabhijjati; Yathā subaddho morahattho, evaṁ sobhati so dumo.

Na tassa kaṇṭakā honti, nāpi chiddaṁ mahā ahu; Vitthiṇṇasākho aviralo, sandacchāyo manoramo.

Na tassa kaṇṭakā honti, nāpi chiddaṁ mahā ahu; Vitthiṇṇasākho aviralo, sandacchāyo manoramo.

Sudatto ceva citto ca, ahesuṁ aggupaṭṭhakā; Subhaddā ca padumā ca, ahesuṁ aggupaṭṭhikā.

Sudatto ceva citto ca, ahesuṁ aggupaṭṭhakā; Subhaddā ca padumā ca, ahesuṁ aggupaṭṭhikā.

Paññāsaratano āsi, uccattanena so jino; Sabbākāravarūpeto, sabbaguṇamupāgato.

Paññāsaratano āsi, uccattanena so jino; Sabbākāravarūpeto, sabbaguṇamupāgato.

Tassa pabhā asamasamā, niddhāvati samantato; Appamāṇo atuliyo, opammehi anūpamo.

Tassa pabhā asamasamā, niddhāvati samantato; Appamāṇo atuliyo, opammehi anūpamo.

Navutivassasahassāni, āyu vijjati tāvade; Tāvatā tiṭṭhamāno so, tāresi janataṁ bahuṁ.

Navutivassasahassāni, āyu vijjati tāvade; Tāvatā tiṭṭhamāno so, tāresi janataṁ bahuṁ.

Yathāpi sāgare ūmī, gagane tārakā yathā; Evaṁ tadā pāvacanaṁ, arahantehi cittitaṁ. *cittitaṁ → cittakaṁ (sya1ed, sya2ed, km); vicitaṁ (pts-vp-pli1)

Yathāpi sāgare ūmī, gagane tārakā yathā; Evaṁ tadā pāvacanaṁ, arahantehi cittitaṁ. *cittitaṁ → cittakaṁ (sya1ed, sya2ed, km); vicitaṁ (pts-vp-pli1)

So ca buddho asamasamo, Guṇāni ca tāni atuliyāni; Sabbaṁ tamantarahitaṁ, Nanu rittā sabbasaṅkhārā.

So ca buddho asamasamo, Guṇāni ca tāni atuliyāni; Sabbaṁ tamantarahitaṁ, Nanu rittā sabbasaṅkhārā.

Sujāto jinavaro buddho, Silārāmamhi nibbuto; Tattheva tassa cetiyo, *Tattheva tassa cetiyo → tattheva cetiyo satthu (sya1ed, sya2ed, km)Tīṇigāvutamuggato”ti.

Sujāto jinavaro buddho, Silārāmamhi nibbuto; Tattheva tassa cetiyo, *Tattheva tassa cetiyo → tattheva cetiyo satthu (sya1ed, sya2ed, km)Tīṇigāvutamuggato”ti.