Anomadassībuddhavaṁsa

“Sobhitassa aparena, Sambuddho dvipaduttamo; Anomadassī amitayaso, Tejassī duratikkamo.

“Sobhitassa aparena, Sambuddho dvipaduttamo; Anomadassī amitayaso, Tejassī duratikkamo.

So chetvā bandhanaṁ sabbaṁ, viddhaṁsetvā tayo bhave; Anivattigamanaṁ maggaṁ, desesi devamānuse.

So chetvā bandhanaṁ sabbaṁ, viddhaṁsetvā tayo bhave; Anivattigamanaṁ maggaṁ, desesi devamānuse.

Sāgarova asaṅkhobbho, pabbatova durāsado; Ākāsova ananto so, sālarājāva phullito.

Sāgarova asaṅkhobbho, pabbatova durāsado; Ākāsova ananto so, sālarājāva phullito.

Dassanenapi taṁ buddhaṁ, tositā honti pāṇino; Byāharantaṁ giraṁ sutvā, amataṁ pāpuṇanti te.

Dassanenapi taṁ buddhaṁ, tositā honti pāṇino; Byāharantaṁ giraṁ sutvā, amataṁ pāpuṇanti te.

Dhammābhisamayo tassa, Iddho phīto tadā ahu; Koṭisatāni abhisamiṁsu, Paṭhame dhammadesane.

Dhammābhisamayo tassa, Iddho phīto tadā ahu; Koṭisatāni abhisamiṁsu, Paṭhame dhammadesane.

Tato paraṁ abhisamaye, Vassante dhammavuṭṭhiyo; Asītikoṭiyobhisamiṁsu, Dutiye dhammadesane.

Tato paraṁ abhisamaye, Vassante dhammavuṭṭhiyo; Asītikoṭiyobhisamiṁsu, Dutiye dhammadesane.

Tatoparañhi vassante, tappayante ca pāṇinaṁ; Aṭṭhasattatikoṭīnaṁ, tatiyābhisamayo ahu.

Tatoparañhi vassante, tappayante ca pāṇinaṁ; Aṭṭhasattatikoṭīnaṁ, tatiyābhisamayo ahu.

Sannipātā tayo āsuṁ, tassāpi ca mahesino; Abhiññābalappattānaṁ, pupphitānaṁ vimuttiyā.

Sannipātā tayo āsuṁ, tassāpi ca mahesino; Abhiññābalappattānaṁ, pupphitānaṁ vimuttiyā.

Aṭṭhasatasahassānaṁ, sannipāto tadā ahu; Pahīnamadamohānaṁ, santacittāna tādinaṁ.

Aṭṭhasatasahassānaṁ, sannipāto tadā ahu; Pahīnamadamohānaṁ, santacittāna tādinaṁ.

Sattasatasahassānaṁ, dutiyo āsi samāgamo; Anaṅgaṇānaṁ virajānaṁ, upasantāna tādinaṁ.

Sattasatasahassānaṁ, dutiyo āsi samāgamo; Anaṅgaṇānaṁ virajānaṁ, upasantāna tādinaṁ.

Channaṁ satasahassānaṁ, tatiyo āsi samāgamo; Abhiññābalappattānaṁ, nibbutānaṁ tapassinaṁ.

Channaṁ satasahassānaṁ, tatiyo āsi samāgamo; Abhiññābalappattānaṁ, nibbutānaṁ tapassinaṁ.

Ahaṁ tena samayena, yakkho āsiṁ mahiddhiko; Nekānaṁ yakkhakoṭīnaṁ, vasavattimhi issaro.

Ahaṁ tena samayena, yakkho āsiṁ mahiddhiko; Nekānaṁ yakkhakoṭīnaṁ, vasavattimhi issaro.

Tadāpi taṁ buddhavaraṁ, upagantvā mahesinaṁ; Annapānena tappesiṁ, sasaṅghaṁ lokanāyakaṁ.

Tadāpi taṁ buddhavaraṁ, upagantvā mahesinaṁ; Annapānena tappesiṁ, sasaṅghaṁ lokanāyakaṁ.

Sopi maṁ tadā byākāsi, visuddhanayano muni; ‘Aparimeyyito kappe, ayaṁ buddho bhavissati.

Sopi maṁ tadā byākāsi, visuddhanayano muni; ‘Aparimeyyito kappe, ayaṁ buddho bhavissati.

Padhānaṁ padahitvāna, …pe… hessāma sammukhā imaṁ’.

Padhānaṁ padahitvāna, …pe… hessāma sammukhā imaṁ’.

Tassāpi vacanaṁ sutvā, haṭṭho saṁviggamānaso; Uttariṁ vatamadhiṭṭhāsiṁ, dasapāramipūriyā.

Tassāpi vacanaṁ sutvā, haṭṭho saṁviggamānaso; Uttariṁ vatamadhiṭṭhāsiṁ, dasapāramipūriyā.

Nagaraṁ candavatī nāma, yasavā nāma khattiyo; Mātā yasodharā nāma, anomadassissa satthuno.

Nagaraṁ candavatī nāma, yasavā nāma khattiyo; Mātā yasodharā nāma, anomadassissa satthuno.

Dasavassasahassāni, agāraṁ ajjha so vasi; Sirī upasirī vaḍḍho, tayo pāsādamuttamā.

Dasavassasahassāni, agāraṁ ajjha so vasi; Sirī upasirī vaḍḍho, tayo pāsādamuttamā.

Tevīsatisahassāni, nāriyo samalaṅkatā; Sirimā nāma sā nārī, upavāṇo nāma atrajo.

Tevīsatisahassāni, nāriyo samalaṅkatā; Sirimā nāma sā nārī, upavāṇo nāma atrajo.

Nimitte caturo disvā, sivikāyābhinikkhami; Anūnadasamāsāni, padhānaṁ padahī jino.

Nimitte caturo disvā, sivikāyābhinikkhami; Anūnadasamāsāni, padhānaṁ padahī jino.

Brahmunā yācito santo, anomadassī mahāmuni; Vatti cakkaṁ mahāvīro, uyyāne so sudassane. *sudassane → sudassanuyyānamuttame (sya1ed, sya2ed, km)

Brahmunā yācito santo, anomadassī mahāmuni; Vatti cakkaṁ mahāvīro, uyyāne so sudassane. *sudassane → sudassanuyyānamuttame (sya1ed, sya2ed, km)

Nisabho ca anomo ca, *anomo ca → asoko ca (bj, pts-vp-pli1-2)ahesuṁ aggasāvakā; Varuṇo nāmupaṭṭhāko, anomadassissa satthuno.

Nisabho ca anomo ca, *anomo ca → asoko ca (bj, pts-vp-pli1-2)ahesuṁ aggasāvakā; Varuṇo nāmupaṭṭhāko, anomadassissa satthuno.

Sundarī ca sumanā ca, ahesuṁ aggasāvikā; Bodhi tassa bhagavato, ajjunoti pavuccati.

Sundarī ca sumanā ca, ahesuṁ aggasāvikā; Bodhi tassa bhagavato, ajjunoti pavuccati.

Nandivaḍḍho sirivaḍḍho, ahesuṁ aggupaṭṭhakā; Uppalā ceva padumā ca, ahesuṁ aggupaṭṭhikā.

Nandivaḍḍho sirivaḍḍho, ahesuṁ aggupaṭṭhakā; Uppalā ceva padumā ca, ahesuṁ aggupaṭṭhikā.

Aṭṭhapaṇṇāsaratanaṁ, accuggato mahāmuni; Pabhā niddhāvatī tassa, sataraṁsīva uggato.

Aṭṭhapaṇṇāsaratanaṁ, accuggato mahāmuni; Pabhā niddhāvatī tassa, sataraṁsīva uggato.

Vassasatasahassāni, āyu vijjati tāvade; Tāvatā tiṭṭhamāno so, tāresi janataṁ bahuṁ.

Vassasatasahassāni, āyu vijjati tāvade; Tāvatā tiṭṭhamāno so, tāresi janataṁ bahuṁ.

Supupphitaṁ pāvacanaṁ, arahantehi tādihi; Vītarāgehi vimalehi, sobhittha jinasāsanaṁ.

Supupphitaṁ pāvacanaṁ, arahantehi tādihi; Vītarāgehi vimalehi, sobhittha jinasāsanaṁ.

So ca satthā amitayaso, Yugāni tāni atuliyāni; Sabbaṁ tamantarahitaṁ, Nanu rittā sabbasaṅkhārā.

So ca satthā amitayaso, Yugāni tāni atuliyāni; Sabbaṁ tamantarahitaṁ, Nanu rittā sabbasaṅkhārā.

Anomadassī jino satthā, Dhammārāmamhi nibbuto; Tatthevassa jinathūpo, Ubbedho pañcavīsatī”ti.

Anomadassī jino satthā, Dhammārāmamhi nibbuto; Tatthevassa jinathūpo, Ubbedho pañcavīsatī”ti.